Welcome to DAR Region VI



Aklanon News: DAR naghiwat it agrarian reform summit, mga partners ginkilaea

piaKALIBO, AKLAN, Hulyo 14 (PIA6) -  Bilang parte it kumprehensibo nga partnership sa tanan nga nagaubra ag nagabulig sa mga mangunguma it Aklan, ro Department of Agrarian Reform naghiwat it isaea ka Aklan Agrarian Reform Summit sa ABL Sport & Cultural Center sa Capitol Site, Kalibo, Aklan, kundaraya eamang.

Si Ma. Teresa S. Valencia, Provincial Agrarian Reform Officer II, naghambae nga ro hara nga aktibidad hay isaea ka oportunidad para pasaeamatan ro anda tanan nga partners sa Comprehensive Agrarian Reform Program (CARP), eabi na gid ro mga benepisyaryo ag ro mga mangunguma.

“Ro mga ARB ag mangunguma hay ginakosidera naton nga stars it hara nga okasyon ag sanda ra hay dapat taw-an it kadungganan dahil kung uwa sanda ra, kita hay mamatay sa kagutman,” gindugang ni Valencia

Dugang sa hara nga pagkilaea, ginkiaea bilang Most Outstanding Agrarian Reform Beneficiary (ARB) si Mr. Apolinario B. Francisco ag Most Progressive ARB Organization ro Kalipunan ng Maliliit na Magniniyog ng Napaan (KAMMANA MPC).

Si Lina S. Ramirez ag Mary Ann R. Barrera ro mga Outstanding Development Facilitators.

May 150 pneumonia vaccines ro gintao it libre it Department of Health (DOH), Rural Health Unit-Kalibo ag DRSTMH sa pagpanguna ni RHU Head Dr. Melanie Tolentino samtang ginahiwat ro summit, kung siin gin-prayoridad ro mga mangunguma.

Isaea man ka farmers’ market ro gin-ubra para ipakita ro mga produkto it mga mangunguma ag iban pa nga mga agricultural players, kung siin hara hay nagpabaskog it agrikultural nga aktibidades sa Aklan.

Sa iban nga parte, ro mga masunod ro mga ginkilaea nga mga DAR CARP Partners: Department of Agriculture (DA), Landbank of the Philippines (LBP), LGU-Aklan, Cooperative Development Authority (CDA), Department of Health (DOH), Syngenta, Smart Communications, Manila Water Foundation, Department of Environment & Natural Resources (DENR), PILMICO, Bayer-Bigante, Department of Trade and Industry (DTI), Social Security System (SSS), Victory Global and Globe Telecom.

Ro summit hay gindaluhan it mga nagka-eain eain nga multi-sectoral representatives it agrarian reform sa Aklan. (JSC/SQP-PIA6 Aklan)

Source: http://news.pia.gov.ph/article/view/941436849394/aklanon-news-dar-naghiwat-it-agrarian-reform-summit-mga-partners-ginkilaea

Region VI News

socmed card reg 1 january 25 2019
January 25, 2019 61

DAR Undersecretary Bernie F. Cruz confirmed that DAR has…

#AgrarianReform #DAR4Farmers #Land4Farmers #ComfortableLifeForAll #PartnerForChange Read More..
news reg 3 pix 1 january 24 2019
Jan 24, 2019 75

DAR aims for zero backlog in the resolution of agrarian…

The Department of Agrarian Reform (DAR) today challenged its central and field offices to achieve this year a zero backlog in the resolution of cases in relation to agrarian justice delivery of the Comprehensive Agrarian Reform Program (CARP).DAR… Read More..
news reg 2 pix 1 january 24 2019
Jan 24, 2019 141

DAR infra projects near 6,000 mark

Iloilo City - The Department of Agrarian Reform (DAR) has turned over a total of 5,718 sub-projects to agrarian reform beneficiaries (ARB) nationwide as revealed during the agency’s assessment and planning conference here.DAR Undersecretary for Foreign… Read More..
news reg 1 pix 1 january 24 2019
Jan 24, 2019 152

DAR completes 2018 targets

Iloilo City - Agrarian Secretary John R. Castriciones yesterday thanked and congratulated the Department of Agrarian Reform (DAR) officials and employees for accomplishing its targets for 2018. Castriciones particularly highlighted DAR’s achievement of… Read More..

Region 6 Calendar of Activities