DARRO No. 1 Naikalikagum ti Panagtultuloy ti Sertipikasyon ti ISO 9001:2015
Dayta man ti naudi a naiyebkas ni Auditor Ringo Pabua ti SOCOTEC Certification Philippines, Inc. ti naaramid a Virtual Surveillance Audit idi Disyembre 14, 2020. Nakita na ti panag-audit na nga awan ti naglabsingan ti opisina ti ISO standards ngem kasapulan kano nga asikasoen dagiti uppat (4) a napaneknekan na a napintas nga araramiden ti opisina ket ituloy latta, tallo (3) a papintasen pay ti pannakayulog wenno aramid ken ti panangpasayaat ti panangkontrol dagiti dokumento tapno di marigatan ti tao a mangkita kadagitoy.
Kalpasan ti pannakaideklara ti DAR Regional Office No. 1 nga ISO 9001:2015 Certified idi Disyembre 23, 2019, ken ti paspasaren tayo a pandemya a naigapu ti Covid 19, dakkel a karit pannakaipakat dagiti naglabsingan ti ISO standards, mangituloy kadagiti nakita a nasayaat nga aramid, ken dagitay kasapulan a pasayaaten ti pannaka-aramid na. Ti panagbalbaliw ket narigat a proseso ngem kasapulan nga aramiden dagiti opisyales ken empleyado. Ngem, awan met ti agkitakit ta amin nga kameng ti organisasyon inakseptar da dagiti akem a makipagpaset ti panagtultuloy ti Quality Management System ti opisina.
Adu pay dagiti kasapulan nga aramiden iti daytoy a panagdalyasat ti panagtultuloy daytoy nasayaat nga aramid. Ngem babaen ti dedikasyon ken panangitalek dagiti opisyales ken emplyeado manamnama a mapasayaat pay ti panagserbi ti gobyerno tapno nasayod ti serbisyo a maited kadagiti kliyente ti opisina aglalo kadagiti Agrarian Reform Beneficiaries.
Ti Quality Management System ket naiyulog babaen ti Executive Order 605, serye 2007 a pinimaan daydi dati a Presidente Gloria M. Arryo idi Pebrero 23, 2007 a natituloan ti Institutionalzing the Structures, Mechanisms and Standards to Implement the Quality Management Program ket amendaran na ti Administrative Order 161, serye 2006. Maysa kadagiti panggep na ti pannaaramid ti Quality Management System baben ti ISO 9001:2000 kadagiti amin nga opisina ti gobyerno.
