Virtual Miting Dagiti ARBOs Naaramid

Ni RCAO ti panangpasungad a panagbitla na kadagiti nakipagpartisipar ti miting aglalo kadagiti ARBOs.

Kas paset ti agtultuloy a pannangtulong ti Departamento ti Agrarian Reform (DAR) ditoy Rehiyon 1 kadagiti mannalon a benepisaryo ti Comprehensive Agrarian Reform Program (CARP), naaramid ti virtual miting idi Disyembre 3, 2020.  Ti miting ket maipanggep ti programa ti pautang ken microfinance a serbisyo nga maidiaya kadagiti mannalon. Adda pay naaramid nga orientasyon para tay Assitance to Restore and Install Suitable Enterprises for Agrarian Reform Beneficiaries and Small Farm Holders (ARISE) babaen ken Ms. Preciosa Osit, idiay Bureau of agrarian Reform Beneficiaries Development (BARBD) ti Central Office ti DAR.

  Duapulo ket dua (22) nga Agrarian Reform Beneficiaries Organizations (ARBOs) ti entero a rehiyon nga idauluan dagitay Chairpersons ken Managers da ti nagatendar ti miting a kinaddua dagiti Point persons ken Chief Agrarian Reform Program Officers (CARPO) ti Program Beneficiaries Division (PBD) ti uppat (4) a probinsyal opis ti rehiyon. Kadagitoy nga 22 nga ARBOs, sangapulo ket dua (12) a naggapu ti probinsya ti Ilocos Norte ket dida nakapan idiay Provincial Office ti Laoag ta madama ti lockdown (MECQ).  Uray no kasta, nabunga ti dayta a miting ta nailawlawag kadagiti ARBOs dagiti programa a pautang, microfinance a serbisyo ken dagiti kasapulan a dukomento.  Adda ARBOs a naawis nga agaplay ti programa ti pautang ken naammoan ti istatos ti applikasyon da ti Land Bank of the Philippines.

 Daytoy ket indauluan ti Field Operations Division (FOD) ti Rehyonal Opis nga imatmatunan ni CARPO Nenita C. Madriaga a binayabay ni Regional Chief Administrative Officer (RCAO) Engr. Nestor T. Pagaduan, Emeraldlyn Balanon ken Relina Claire Lang-ay.

Ti FOD ti nangidaulo ti miting nag imatmatungan ni CARPO Nenita C. madriaga. 

Ti nasao a miting ket maysa (1) kadagiti nailanad nga aramiden tapno mapasayaat ti pannakaimplementar ti programa ti panagpautang ken microfinance a makatulong kadagiti mannalon.