Region 1 Nakipagpartisipar ti SPLIT Misyon Miting

Ti panagmiting ket importante a paset ti panangbiag ti maysa nga programa wenno organisasyon. Gapu ta ti Support for the Parcelization of Land for Individual Titling (SPLIT) ket maysa a baro ken dakkel ti pundo na a proyekto, kasapulan a maisimpa dagiti amin a ramen ken paset na tapno napintas ti pannakaimplementar ti programa. Daytoy ket obligasyon nga aramiden dagiti ahensya a nailanad nga agtitinnulong a mangiyimplemtar ti daytoy a programa a kas ti Departamento ti Agrarian Reform (DAR), Departamento ti Environment and Natural Resources (DENR), Land Regulation Authority (LRA), National Commission on Indigenous Peoples (NCIP) ken ti World Bank, isu a nangpundo iti daytoy a proyekto. Dagitay kasapulan a risuten ket dadduma pay a pakairamanan ti Terms of Reference, Procurement Plan a pannaka-ala kadagiti ramramit, usaren a materyales, serbisyo ti consultant ken dadduma pay nga agtrabaho iti daytoy a proyekto. Ti pundo na P 24.625 billion, 78% a kas utang a naggapu ti World Bank ken P 19.240 billion ken 22% P 5.385 billion aggapu ti Gobyerno Ti Pilipnas (GOP). Maipatary daytoy ti las-ud ti uppat (4) a tawen manipud 2020 agingga ti 2024.

 Idi Disyembre 9 ken 10, timmabuno ti miting dagiti kamkameng ti SPLIT ti Regional ken Probinsyal nga opisina ti rehiyon 1 nga indauluan ti Central Project Management Office ken dagiti World Bank Consultants. Gapu ta ti Rehiyon 1 ket maysa kadagiti tallo (3) nga rehiyon kalaksidan ti Rehiyon 8 ken 9 nga umuna a pakaipakatan ti SPLIT, kasapulan ngarud a maamoan dagiti SPLIT Team dagiti nadumaduma a linaon daytoy a proyekto. Ti Rehiyon 1 ket addaan ti adaddu ngem 45,000 nga ektarya ti talon a mabing-bingay para ti SPLIT.

 Ti SPLIT ket layon na a bingay-bingayen dagitay Collective Certificate of Land Ownership Award (CCLOA) a naited kadagiti mannalon a benepisaryo ti Comprehensive Agrarian Reform Program (CARP) ket maikkan da ti bukod da a titulo ti talon a taltalonen da. Ti pannakabingay-bingay dagiti dagdaga ket lumasat ti proseso a sakupen na ti pannaka-imbentaryo dagiti dagdaga, pannakailasin dagiti dagdaga a maibilang ti SPLIT, pannakapaneknek ken pannakailasin dagiti dagdaga a mabingay-bingay, pannakatitulo a kasapulan a masurbey ti daga, pannakaibunong, sa matituloan, ken pannakarehistro ti daga.  Adu ken narikot a proseso isu nga dagiti agtrabaho para ti SPLIT ket dumalan da ti pananagsursuro tapno ammo da dagiti araramiden da.

 Ti proyekto ket layon na a papigsaen ti kumpiansya, pasayaaten ti panangbiag dagiti mananalon ken makarit da nga agtrabaho para ti bukod da a pagsayaatan ken pagsayaatan ti kagimongan. Dakkel daytoy a karit kadagiti amin a nagagaget nga opisyales ken emplyeado ti Rehiyon 1.