DAR Pangasinan Napaneknekan na ti Kinapudno ti 1,207 nga Ektarya ti Daga Ket Awan Makalapped ti Pannakabingay ti Nagtitipon a Titulo ti Dagdaga (Collective Land Titles)
Binalonan, Pangasinan- Ti National Management Committee ti Departamento ti Agrarian Reform Support for the Parcelization of Lands for Individual Titling (SPLIT) Project dinayaw na ti DAR Pangasinan Provincial Office ti napardas a pannakapaneknek ti kinapudno ti 1,207 nga ektarya a kas naibilin nga araminden tapno maited ti kada maysa nga agrarian reform beneficiary ti titulo ti dagada.
Daytoy ket nasukog ti pannakaimplementar ti Project SPLIT idi nakipagmiting ni National Director Homer Tobias ken UnderSecretary for Foreign Assisted and Special Project Office Bernie Cruz kadagiti DAR Pangasinan Field Validation Teams (FVTs) tapno personal a maikkan da ti hands-on training ken workshop ti nalpasen a report ken panangsolbar ti problema tapno nasayaat ti pannakapatungpal ti proyekto.
Ti SPLIT ket mayasa a proyekto a panggep na a mapasayaat ti pannakapatalged ti panagsaad ti daga ken mapatibker ti kalintegan nga agtagikua ti daga dagiti ARBs. Daytoy ket magun-od babaen ti napardas a panangbingay ti 1.38 milyon nga ektarya ti daga ditoy entero a pagilian a nairaman diay natipon a certificates land ownership award (CLOA) nga agbalin a saggaysa a titulo ti daga. Maiganwat daytoy a proyekto ti 80 a probinsya kadagiti 15 a rehiyon ti pagilian.
Manipud di nairugi daytoy a proyekto idi napan a tawen, insaganan ti DAR Pangasinan dagiti kasapulan nga aramiden tapno maiganwat ti SPLIT. Dagiti FVTs ti probinya inrugi dan ti pananagpaneknek nga aramid itay naudi a duwa a domingo ti Marso 2021 ket intultuloy ti nasayaat nga aramid iti 2 a domingo ti Abril 2021. Dagiit pangulo ti kada FVT imbagada dagiti nagapuanan da ti Project SPLIT National Management Committee idi Abril 16, 2021.
Ni USEC Cruz pinadayawan na ti DAR Pangasinan ti naipamatmat a nagappuanan da ket mangnamnama nga dagiti dadduma a probinsya ket suroten da ti kasta nga aramdi.
“Daytoy ti kaunaan nga ti Project SPLIT maaramid kadagiti probinsya. Ket mangnamnamanak a ti proyekto ti Pangasinan ket agbalin a pagtuladan ti entero a pagilian,” kuna ni Cruz.
Ti met biang ni Director Tobias, binigbig ken pinadayawan na dagiti abudago ken geodetic engineers a kameng ti FVTs ti probinsya.
“Bayat ti tiempo ti Marso 15 – 31, the FVTs ti probinsya ket nabalaigian ti panagpaneknek ti 577 nga ektarya ti daga ken adda pay 650 ektarya a dagdaga a nainayon ti Pangasinan para ti proyekto ti umana a 15 nga aldaw ti Abril,” imbaga ni Tobias.
DAR Provincial Project SPLIT Manager Ma. Ana B. Francisco impatalged na nga “Kalaksidan ti karit nga ited ti pandemya, dagiti FVTs ti Pangasinan ket itultuloy da ti mangaramid kadagiti babbaro a wagas ti panagtrabaho da tapno maiburay saan laeng kadagiti luglugar a pakairugian ti SPLIT no di ket pay para kadagiti dadduma a probinsya a mangaramid ti daytoy a proyekto.
