142 nga ARBs Diay Pangasinan Maragsakan ti Pannakaikabil ti Solar Powered Irrigation a Proyekto

Agdagup 142 nga Agrarian Reform Beneficiaries (ARBs) maragsakan ti pannakaited kanyada ti irigasyon a maipataray babaen ti enerhiya nga      aggapu ti init (Solar Powered Irrigation) diay Bani, Pangasinan, ket nakunana a makatulong kanyada a mangpaadu ti apit nga aggapu kadagiti talonda.

Ni Pangasinan Provincial Agrarian reform Program Officer Maria Ana Francisco ti nangidaulo ti inspeksyon ti proyekto idi Abril 30, 2021 (Biyernes) idiay Barangay Dacap Norte.

Ti solar-powered irrigation a proyekto naaramid a kas paset ti Climate Resilient Farm Productivity Productivity Support Project ti DAR tapno agbalin a produktibo dagiti talon a mapadpadanuman babaen ti tudo laeng ken makatulong ti idadarup ti pagilian tapno maikkan tayo ti umdas a a taraon.

Innayon pay ni Francisco a dagiti 142 a mannalon ket kameng da ti Rang-ay Upland Integrated Farmers Association a makapagtalon laeng maminsan ti makatawen, ti panawen ti panagtutudo.

“Ti proyekto makatulong tapno makapagsalimetmet dagiti mananalon ken gayyem ti aglawlaw nga usaren da isu ti enerhiya ti init para tay baterya na tapno agtultuloy ti pannakausar na,” kuna ni Francisco.

 

Ti nasao a proyekto ket maipaima kadagiti mannalon ti daytoy umuna a Domingo ti Mayo 2021.