Ti DAR Isayangkat na ti Agresibo a Pannakaimplementar ti CARP

May 4, 2021, 11:30 am

Ti Sekretaryo ti DAR Kabsat John Castriciones ken dagiti nangangato nga opisyales ti DAR kabayatan ti pannakaaramid ti taripnong kadagiti opisyales ti ARBOs, ti Sta. Maria, Laguna tapno maamoan da dagiti pakaseknan ken saritaan da. 

Sta. Maria, Laguna – “Kanayon ti pannakabisita kadagiti sulsulinek a luglugar ti entero pagilian tapno personal a makita mi ti kasasaad dagiti mannalon ken maikkan kadagiti tulong a suporta a kasapulan da, mapadaga, farm inputs ken ramit nga mausar ti panagtalon wenno paggutangan , tapno makatulong kami a mangpasayaat ti panangbiag da,” kuna ni Sekretaryo ti DAR a ni Kabsat John Castriciones kabayatan ti pangibunong da ti 200.72 nga ektarya ti dagdaga a matalon kadagiti 222 nga agrarian reform beneficiaries iti daytoy nga ili.

Kuna ni Kabsat John, ti DAR ket agtultuloy ti panagtrabaho na tapno maisayangkat ti agresibo a pangangimplementar ti Comprehensive Agrarian Reform Program (CARP) kas panangsurot ti bilin ni Presidente Rodrigo Duterte tapno mapasayaat ti panagbiag dagiti mannalon.

Ti Sekretaryo ti DAR a Kabsat John Castriciones nagiwaras ti Certificaters of Land Ownership Award (CLOAs) ti nangibagi kadagiti Agrarian Reform Beneficiaries (ARBs) ti Sta. Maria, Laguna. 

“Ti Presidente inikakan na kami ti trabaho nga maiwaras dagiti nabatbati a balanse ti CARP kadagiti awanan ti daga a talonen ket mairaman ti pannakaited kanyada kadagiti amin a suporta tapno agbalin nabunga ti panagtalon da,” innayon ni Kabsat John.

Kalaksidan, ti panagiwaras ti dagdaga, ti departamento ket impaima na ti maysa (1) a hauling truck para ti major crop-based block farm ti SANTAMASI Irrigators Association, Inc nga addaan ti 727 a kameng ket 114 kadakuada agrarian reform beneficiaries.  Ti makinarya ket naited babaen ti Climate Resilient Farm Productivity Support Project (CRFPSP).

Kas paset ti DAR to Door a programa, ni Sekretaryo Kabsat John Castriciones inyawat na mismo ti titulo ti daga ti ARB. 

Nakipagtaripnong pay ti DAR kadagiti pito (7) nga Agrarian Reform Beneciary Organizations (ARBOs) ti probinsya tapno inda maamoan dagiti pakaseknan ken saritaan panggep ti talon da ken organisasyon tapno makabukel ti polisiya ti departamento nga agregget a masolba ti pakaseknan da.

Ti DAR ingayang na ti Sta. Maria ARC Cluster Development Plan (ARCDP) tapno maituloy ti panangpasayaat ti Agrarian Reform Communities ti ili.

Naibaga ni Support Services UnderSecretary Emily  Padilla nga maar-aramid amin dagitoy nga ganwat tapno maitultuloy ti panangpasayaat ken pagsapulan kadagiti sulsulinek a luglugar.

“Itultuloy tayo a papigsaan dagiti ARBOs ken ARCs tapno iti masakbayan, mabalin da a tumakder a bukbukodda ken ti sektor ti agrikultura ket naprogreso ditoy pagilian tayo,” kuna ni Padilla.

2021 Department of Agrarian Reform.