DAR bigbigenna a kaddua dagiti kababaian ti panagdur-as ken pannakapatalged ti taraon
Pangserra a programa ti Departamento ti Agrarian Reform ti National Women’s Month ti tema a “We Make Change Work for Women” – nangted ti pammadayaw kadagiti opisina a nakipagpaset ti Trade Fair, dagiti nailian a badbado dagiti manangisagut a pagilian ken pasalip a karit ti Tiktok.
Quezon City – Departamento ti Agrarian Reform (DAR) Sekretaryo Bernie Cruz bigbigenna ti akem dagiti kababaian a kas kaddua ti panagdur-as ken pannakapatalged ti taraon kabayatan ti pannaka-aramid ti programa a mangserra ti National Women’s Month ti tema ”We Make Change For Women.”
“Nangato ti panagkita kadakuada, sirerespeto ken aklonen a dagiti kababaian ket nadumaduma ti kontribusyonda para ti panangbiag ken kasta met a dakkel ti akem nga araramidenda para ti panagdur-as dagiti mannalon,” kuna ni Cruz.
Ni Crispina Quijano-Generoso, ti mangiturturong ti Pinagdanlayan Rural Improvement Club Multi-Purpose Cooperative ti Dolores, Abra imburayna ti pakasaritaan ti biag na a kas masya a nagballaigi nga agrarian reform beneficiary ket naibaga na a ti pannakaaramid ti laya a produktoda agtaltalinaed nga inspirasyon dagiti babassit a kooperatiba diay lugarda.
“Dakami a mismo ti agmula ti bukod mi a laya ken turmeric. Ti daytoy a wagas mangnamnama kami nga addaan kami ti umanay a kasapulan a laya ken turmeric nga mausar ti produksyon ken manayunan ti sapul dagiti pampamilya dagiti agtaltalon,” kuna ni Generoso.
Ti pannakaaramid ti programa, indauloan ni Cruz ti pannakapaka-ammo ken pannaka-ited ti premyo dagiti nangab-abak ti naaramid a trade fair, dagiti kaadduan ti nailako, kasayaatan a bado dagiti manangisagot a pagilian ken ti ‘Tik Tok a pasalip.
Departamento ti Agrarian Reform Sekretaryo iyaw-awat na ti mensahe na kabayatan ti pananaka-aramid ti program a pangserra ti National Women’sMonth ti tema a “We Make Change for Women.”
Lima a rehiyon ti nakipaset ti trade fair, Cordillera Administrative Region (CAR), Rehiyon 1, Rehiyon 2, Rehiyon 3, CALABARZON ken MIMAROPA.
Ti kasayaatan a lugar a nangipakita dagiti produktoda isu ti Rehiyon 2 a naka-ala ti puntos nga 88.89%, maikaddua ti CALABARZON ti puntos a 86.67%, maikatlo ti Rehiyon III ken MIMAROPA a naka-ala ti puntos a 80.00%, ken maika-uppat isu ti CAR a naka-ala ti puntos a 75.56%. Dagiti nagibasaranda ti pannagpuntos da ket isu ti kinorihinal ti konsepto ken awan kapada dagiti lugar a nakaikabilan dagiti produktoda, ti pannakaipakat ti tema ken ti awan dumana a panangipakita kadagiti produkto tapno makalako da ken tapno may-ayo dagiti tao a gumatang.
Ti dagop a naglakoan ti trade fair ket P480,308.20 a nakaipakitaan dagiti kabukbukodan nga aramid dagiti agrarian reform beneficiaries a ti presyo a kabaelan a gatangen ti kaadduan ken mabalin a mabigbig ti intero a lubong, isu a naaramid manipud Marso 28 agpatingga ti Abril 1, 2022.
Ti CALABARZON ti kaadduan ti nailako nga agdagup ti P170,137.00, sarunoen ti Rehiyon 3 nga agdagup ti P 153, 897.00 ken ti maikatlo isu ti Rehiyon 1 nga agdagup ti P52,700.00.
Dagiti nangabak ti international costume DAR naggapu kadagiti manangisagot a pagilian a pakainayunan ti nangibagi Cagayan Region a naka-ala ti kadakkelan a premyo, ti Support Services Office a grupo ti maikaddua a kadakkelan a premyo – dagitoy dua ti bado da ket bado ti India, ken ti Special Project Office (FAPSO) naka-ala ti maikatlo a kadakkelan a premyo a nagusar da ti istilo ti Italya.
Kadagiti 44 nga opisina ti DAR ti entero a pagilian a nakipaset ti TikTok a pasalip, ti Negros Occidental 2 ti nangabak ti umuna a premyo, maikaddua ti Davao del Norte ken maikatlo ti Negros Occidental 1.
Kalaksidan ti trade fair ken pakontest a naaramid, ti DAR ti las-ud ti maysa a domingo nangaramid ti health and wellness a programa tapno maparegget ken makaited ti wagas tapno maisayangkat ti panangpapada ti kinatao ti babai ken lalaki ken mapapigsa dagiti kababaian.
Ti programa a panangserra timmabuno ni Quezon City Councilor Mayen Juico ken dadduma nga opisyales ken empleyado ti DAR Central, Cagayan Region, Central Luzon, MIMAROPA ken CALABARZON nga opisina.
