DAR nakipatang kadagiti ARBs ti Pangasinan panggep ti pannakabingay-bingay dagiti dagdaga
Ti Departamento ti Agrarian Reform (DAR), nga idadauloan ni Sekretaryo Bernie F. Cruz ket nakipatang kadagiti mangibagbagi kadagiti agrarian reform beneficiaries a naggapu kadagiti nadumaduma ng ail-ili ti Pangasinan tapo inda asikasoen dagiti isyu ken pagannurotan ti pannakaimplementar ti Support to Parcelization of Lands for Individual Titling (SPLIT) Project.
Ti SPLIT Project ti maysa a wagas wenno prosesso tapno mabingay-bingay ken maamoan ti agpagiso a rukod ken dulon ti parte a daga a paset ti Comprehensive Agrarian Reform Program (CARP), a pakairamanan dagiti taltalonen a daga a naiwaras kadagiti ARBs babaen ti Collective Certificate of Land Ownership Award (CLOA).
Kuna ni Cruz nga adda nadumaduma a di pagkikinnaawatan panggep ti daga, isyu, pakaseknan a naibaga ti pannaka-aramid ti pannakapasingked dagiti dagdaga a mabingay-bingay.
“Insigida a tamingen dagitoy a problema tapno maka-aramid ti umiso ken umno a sungbat,’ nakunana.
Kuna pay ni Sektretaryo a babaen ti nadagup nga aramid dagiti kakaddua nga ahensya ti gobyerno a kas ti Register of Deeds ken Land Registration Authority, ti pannakaiwaras dagiti titulo ti dagdaga asidegen a mapasamak.
Ti pannakaited ti bukod a titulo kadagiti ARBs ket papigsaen na ti seguridad ti inda panagtagikua ti daga a taltalonenda.
Ni Foreign Assisted and Special Projects Office Undersectretary Virginia Orogo nakuna a ti DAR ipamusposanna tapno dagiti pagannurotan ket maibase ti nagpapatangan kadagiti ARBs.
Babaen ti daytoy nga aramid, mapapardas ti pannakabingay-bingay dagiti dagdagayo tapno maaramid ti pannakaited ti titulo dagiti dagdaga kadagiti ARBs,” nakunana.
Nkipaset ti aktibidadad dagiti mangibagbagi ti World Bank, isu a nangpundo ti SPLIT Project.