Agtultuloy ti Nasyaat a Panagtrabaho ti DAR ken DENR Region 1

Naaramid itay naglabas nga aldaw ti miting para ti Inspection, Verification and Approval of Survey (IVAS) tapno agtultuloy ti pannakataming dagiti pakaseknan ti napardas a pananakapalubos dagiti survey returns para ti Support to Parcelization of Lands to Individual Titles (SPLIT) project ti DAR nangnangruna ti Region 1.

Ti miting kanayon nga maararamid ditoy region.  Isu ti gundaway ti dua (2) nga ahensya ti Department of Argarian Reform (DAR) ken Department of Environment and Natural Resources a tamingen dagiti problema, kasapulan nga aramiden ken dadduma pay a pakasekanan tapno mapadaras ti trabaho.

Kas nakuna ni Eng. Narciso Aragon, Chief ti Survey ti DENR, “umasideg kayo latta dagiti opisina mi Region 1 para kadagiti pakaseknan yo.”

Dinawat ti DENR a maammoan da a nasaysayaat ti SPLIT tapno maited da ti naananay a tulong ti DAR. Dagiti LTS Point Person a mangibagi ti uppat a probinsya ti Region 1 imbagada dagiti problema da ket dagus a kinuna ni Engr. Aragon, “tulongan da kayo.”

Impakita ti DENR ti nagappuanan para ti IVAS manipud Enero aggingga ti Mayo 17  ita a tawen nga agdagop ti 86.78%.

Kadua ni Engr. Aragon da Engr. Rolando Valmores nga isu ti makiniggem ti CARP ti DENR Region 1.

Nakimiting ni PARPO Nestor T. Pagaduan ti Ilocos Norte ken ti DAR Regional Office ket imbagi ni CARPO Nenita Madriaga ti FOD ken dagiti LTS staff.

Ti IVAS miting ket maysa a wagas tapno nasaysayaat ti pannakaipatungpal dagiti programa ti Comprehensive Agrarian Reform Program (CARP).