Imbaga ni Napili a Presidente Marcos Jr agbalin a P20 ti kada kilo ti bagas Mabalin kuna ti DAR babaen ti “Mega Farms’ a proyekto.

Quezon City – Kas kalikagum ni napili a presidente Ferdinand “Bongbong” Marcos, Jr nga ipababa ti presyo ti bagas ti P20 kada kilo, makitkita ti Departamento ti Agrarian Reform ti pannakaipatungpal ti mega farm a proyekto.

Ni DAR Secretary Benie Cruz, ti nakapanunot daytoy a proyekto, tapno mapagkaysa dagiti babassit a taltalon nga agbalin a dakkel a taltalon a pagmulaan ti irik.

“Ti ‘Mega Farm’ ket grupo ti agiinnasideg a taltalon a no madagup agbalin a maysa a platasyon nga addaan kabaelan a maka-ani ti adu a produkto tapno maited ti umiso a kasapulan ti kaadduan.”

“Napaneknekan kadagiti panagsokisok mi a ti ‘Mega farms’ dadakkel a taltalon a proyekto, naammoan mi a saan laeng a P20 kada kilo ti bagas ti magun-od, no di ket dakkel ti maitedna a ganansya kadagiti agrarian reform beneficiaries (ARBs),” kuna ni Cruz.

Kinuna ni Cruz a ti DAR nakamuli ti programa a maawagan “Programang Benteng Bigas sa Mamamayan (PBBM)a kas paset ti “Mega Farm” a proyekto.

Ni DAR Undersecretary David Erro, isu a kaddua ni Secretary Cruz a nakapanunot ti ‘mega farms’  nakunana a ti PBBM mairugi ti 150,000 ektarya a kalawa a mataltalon a dagdaga a mamulmulaan ti pagay a nainayon ti Comprehensive Agrarian Reform Program ken ti asideg a babassit a taltalon.

Segun ti panagad-adal ti DAR, ti 150,000 ektarya a kalawa ti daga makaapit ti agarup 142 a kaban ti irik kada panawen ti panagaapit. Makaited  daytoy ti ganansya dagiti ARBs a P75,501 kada tawen.

“Datayo a Filipinos ti inaldaw a bagas nga ususaren ti kada tao ket 301 a gramo wenno 109.9 kilogramo ti tinawen.  Ti dayta a bilang, daytoy a proyekto mapakanna ti 9 a milyon a Filipinos ditoy pagilian tayo,” nakuna ni Erro.

No maisyangkat ti PBBM a proyekto a “Mega Farm,” saan na la nga ipababa ti presyo tib agas ti P20 kada kilo no di ket ti wayawayaanna dagiti mannalon a benepisaryo ti CARP ti biag ti panagtalon.