Idurduron ti Mangidadaulo ti DAR ti pannakaibunong ti nasken a serbisyo para kadagiti ARBs

Ni Sekretaryo ti Departamento ti Agrarian Reform inkarina ti pannakapadaras pannaka-ited dagiti kasapulan unay a nasken a serbisyo tapno masigurado ti agtultuloy a nasayaat ti apit a maala kadagiti taltalon a naited kadagiti mannalon a benipisaryo ti agrarian reform (ARBs) tapno maupay da a mangisalda wenno mangilako kadagitoy.

Kuna ni Estrella a maysa kadagiti ipangpangrunana ket agtalinaed ti naannayas a kaadda ti taraon yantangay dayta ti kasayaatan a wagas tapno mapagtalinaed ti kalkalaingan a presyo dagiti produkto nga aggapu ti talon.

“Laglagipen yo, nga no ti suplay dagiti magatgatang ti tiendaan ket adu, mabalin a bumaba ti presyo,” kuna ni Estrella.

Ti daytoy a tiempo a nangato ti presyo dagiti magatgatang ti tiendaan gapu ta nangato ti presyo ti produkto ti lana, kuna ti mangidadaulo ti DAR a ti panagtalinaed ti kaadda ti suplay ti traon kadagiti tiendaan daytoy ti mamagbalin a natalged dagiti presyo ti magatgatang a taraon, ta daytoy ti impaganetget ni Presidente Ferdinand Marcos, Jr. bayat ti miting na kadagiti kameng ti Kabinete ken kadagiti kangrunaan a nakipagpaset ti miting.

Itay nabiit, binilin ni Estrella ti DAR Undersecretary ti Support Services Office Atty. Milagros Isabel Cristobal nga ipangpangruna ti pannakaaramid dagiti kalkalsada a mangkamang kadagiti rangrangtay a nabangon babaen ti “Tulay ng Pangulo para sa Kaunlarang Pang-agraryo’ kadagiti kangrunaan a kalsada nga agtungpal kadagiti tiendaan.

Agdagup 140 ti nalpasen a a rangrangtay babaen ti nasao a proyekto, ket madama ti pannakabangon dagiti 29 pay a rangrangtay.

Ti mangidadaulo ti DAR kitkitaen na pay ti pannakabangon ti adadu pay a pasilidad a mausar kalpasan ti panagapit tapno agtalinaed ti pannakaikanawa dagiti mannalon ti pannakakusit babaen ti pannakaited ti naimbag a pasilidad a pagidulinan kadagiti apitda no nababa ti presyo ket mailako da inton ngumaton ti presyo.

Napaliiw pay ni Estrella a ti kinakurang kadagiti pasilidad a pagidulinan kadagiti apit da ket agbalinda a biktima ta mapilitan da a mangilako dagiti apitda kadagiti dakes a negosyante ken ahente ti nababa a presyo imbes nga madadael a malunglungtot kadagiti arobayanda.

Kasapulan a maisardeng ti kastoy nga aramid ta agbalbalin a kangrunaan a rason ti ingangato ti presyo dagiti magatgatang gapu kadagiti sumagmamano a negosyante nga addaan tured nga agidulin kadagiti apit a ginatang da ti nababa a presyo tapno mapataud ti ulbod a kurang ti magatgatang, a gappuanan ti kellaat a panagpangato ti presyo dagiti magatgatang,” kunana.