Naipaka-ammo ti baro a wagas ti panagtalon kadagiti agrarian reform communities

Ni Sekretaryo Conrado Estrella III. (DAR file photo)

Ni Sekretaryo Condrado Estrella III nangisayangkat ti nagsaknap a panagsanay kadagiti kameng ti agrarian reform beneficiaries organizations (ARBOs)  tapno maipayam-ammo ti baro a wagas ti panagtalon a makatulong kanyada nga umadu ti apit ken maiikan da ti nasayaat a kalidad ti produkto ti panangtalong da.

Kuna ni Estrella a ti panagsanay ken mainaig ti bilin ni Presidente Ferdinand Marcos, Jr tapno nataltalged ti bunga ti panagtalon da.

Ingunam-gunam na a nangato ti respeto na kadagiti nadumaduma a kagimongan agsipud ta nabayag dan a napaneknekan a pamagmatalkanda babaen ti panangited ti taraon para dagiti tattao kadagiti kritikal a luglugar a naapektaran ti Covid 19.

‘Kas dati a mangibagi ti Abono Partylist, ammok dagitoy ngamin kaddua mi ida ti panagtrabaho tapno maisigurado ti agtultuloy a suplay ti taraon para kadagiti tattao iti pagob-obraan ti taraon ket nagsardeng ti tiempo ti pandemya,” kuna ni Estrella.

Agingga ita, adda agarup a 7,500 ARBOs ti entero a pagilian, a mabalin a maiduron o mausar para ti natalged a programa ti taraon.

Ni Atty. Milagros Isabel Cristobal, DAR Undersecretary for Support Services Office. (DAR file photo)

Kas panangsurot ti bilin ti Sekretaryo, ni Atty. Milagros Isabel Cristobal, ti UnderSecretary for Support Services ti Departamento ti Agrarian Reform, babaen ti pannakitinnulong ti Agriculture Training Institute (ATI) ti Departmento ti Agrikultura, napagtignay dagiti nadumaduma nga ARBOs ti entero a pagilian tapno maka-aramid ti demonstration farms babaen ti Farm Business School (FBS) a proyekto.

Dagiti nakipagpaset iti daytoy nga aramid ti pannakaamiris ti panagsagana dagiti ARBOs a sumango kadagiti karit nga imbaga ni Presidente Marcos, Jr, isu na maingato ti pannakapakataod ti taraon.

Kuna ni Cristobal a ti FBS nabayagen nga maararamid a proyekto ti DAR sadiay kadagiti interesado a kameng ti ARBOs ket maisuro da kadagiti baro a wagas ti panagtalon tapno makatulong ti ingangato ti maapit ken makaited ti nasayaat a kalidadad a bunga.

Innayonna a ti pagtuladan a talon agbalin a modelo a no sadiay dagiti interesado nga ARBOs mabalinda a bisitaen tapno makasuro da ti dadduma pay a wagas ti panagtalon a mabalin da a tuladen diay luglugarda.

“Daytoy a kapanunotan tapno marukod ti teknikal a kabaelan  ken panagsagsagana dagiti ARBOs tayo a mangpatanor kadagiti pagtuladan a talon a no saan dagiti pada a nabati ken nababa pay ti teknikal a kabaelan nga ARBOs tapno makasursuroda,’ inlawlawag ni Cristobal.

“Kayat mi a makumbinsi ti uray maysa laeng nga ARBO ti kada rehiyon ti entero a pagilian nga umawat ti karit, a kas paset ti programa ti seguridad ti taraon, ken isuda ti mangirugi dagitoy nga aramid,” kunana.