Napaimbag ti rinibo a mannalon gapu ti panagsursuro, pautang ken teknikal a tulong ti uneg ti 100 nga aldaw a panagtakem ni Estrella

Ni Sekretaryo ti DAR Condrado Estrella, III (maikaddua ti kannawan) indauluanna ti pannakaibunong kadagiti makinarya ti panagtalon tapno mapasayaat ti adu a maramid dagiti ARBs.

Rinibo nga agrarian reform beneficiaries (ARBs) ti entero a pagilian napaimbag ti panagbiagda gapu kadagiti nadumaduma a serbisyo a kas ibalbalaet a suporta a naited kadakuadda babaen ti Departamento ti Agrarian Reform (DAR) ti uneg ti umuna a 100 nga aldaw a panagtakem na kas Sekretaryo ni Condrado Estrella III.

Babaen ti damag a naited ken Presidente Ferdinand Marcos, Jr diay Malacanang, nailasin a kas kuna ni Estrella ti panagsursuro, pannakabangon kadagiti kagimongan, pannakatanor ti negosyo, pannakinaig ti pagtagilakoan, nalaka ti panagsukisok ti pagutangan ken pannakaited ti tulong ti panagtalon, makina ken alikamen ti panagtalon, a kas karaman kadagiti nadumaduma a serbisyo a suporta a naited ti DAR kadagiti ARBs.

Ni Sekretaryo ti DAR impanamnamana kadagiti ARBs a ti DAR papigsaenna ti pannangited kadagiti serbisyo a kas suporta ti inda panagtalon.

“Ti pannakaibunong dagiti dagdaga kasapulan nga agtintinnulong ti pannakaited ti suporta a serbisyo ken ikagumaan ti panagpatanor tapno mataginayon ti gunguna ti pannakaramid ti programa.  Ti naplano a pannakaitulod  kadagiti suporta a serbisyo ket makatulong a mangpasayaat ti kabalinan dagiti ARBs ken naananay ti kaadu ti maaramid kadagiti daga a naawat da a naggapu ti gobyerno,” kinunana.

Kinuna ni Estrella manipud Hulyo agingga Setyembre 2022, ti DAR nakaisuro ti 171,122 ARBs, isu a 125.33% ti naiplano a 136,533 nga ARBs iti isu met la a tiempo.

Nairaman ti naisuro kadakuadda ti pannakapatanor ti organisasyon, pannakapatanor ti pagsapulan, adu ti maaramid ti talon, mapasayaat ti teknolohiya ken nadumaduma a pamay-an ti panaglako tapno makatulong kadakuada nga agbalin a nasaysayaat ti kinalaing da a mannalon ken tapno makatulong ti pannakapapigsa ti sektor ti agrikultura ditoy pagilian.

Ni Sekretaryo Condrado Estrella III nangted namnama a ti DAR itultuloyna ti panangtaming ti pagsayaatan dagiti ARBs.

Ti uneg ti nasao a tiempo, nakaited pay ti DAR ti nalaklaka a pannaGutang ken serbisyo ti micro finance ti 55,626 nga ARBs, nga isu ket 117.64% ti ahensya a plinano a 47,286 ARBs. Dagitoy a serbisyo ket makatulong ti pannakaparegta ti panagpataud ti panagtalon ken aramid ti pagsapulan.

Agdagup ti 1,070 a kagimongan ti ARBs ti naikkan ti nadumaduma a teknikal a tulong mainaig it pannakapatanor ti kagimongan, pannakapatanor ti serbisyo ti panagnegosyo ken pannakaited ti makinarya ken pasilidad ti panagtalon, ken dadduma pay.

Kuna ni Estrella a maysa kadagiti pagibasaran ti ballaigi ti Comprehensive Agrarian Reform Program (CARP)  isu ti pannakabalbaliw ti estado dagiti Agrarian Reform Communities tapno agtalek ti kabukbukodanda a kas kagimongan a tumulong a mangiduron ti industria ti agrikultura.

Innayon ni Estrella a ti departamento mangnamnama a dagiti naited a ballaet a tulong mangted ti insigida a bunga ti adaddu pay a maaramid dagiti ARB’s kadagiti dagdagada, maipangato ti mapastrekan kada pagtaengan ken itandudo ti pagsayaatanda.