Innammongan da Estrella ken Borromeo ti IRR ti pannakasardeng ti panangbayad ti utang ti panagtalon

Kas panangtungpal ti panangiturong ni Presidente Ferdinand R. Marcos, Jr, ni Sekretaryo ti Agrarian Reform Condrado Estrella, III ken Presidente ken CEO ti Land Bank of the Philippines Cecilia C. Borromeo, idi Miyerkules, Setyembre 28, 2022, pinirmaan da ti Joint Administrative Order a mangipaay ti implementing rules and regulations (IRR) para ti Executive Order No. 4, Series of 2022, a mangipaka-ammo ti pannakaisardeng ti panagbayad ti utang argaman ti interes kadagiti dagdaga a naited kadagiti agrarian reform beneficiaries.

Pinirmaan ni Presidente idi Setyembre 13, 2022, ti EO a napauloan, “Directing the Implementation of Moratorium on the Payment of the Principal Obligation and Interest of the Amortization Due and Payable by Agrarian Reform Beneficiaries,” panawagan ti 1 a tawen a pannakasardeng ti panagbayad ti utang dagiti Agrarian Reform Beneficiaries (ARBs) a naka-awat ti daga a talonenda baben ti Comprehensive Agrarian Reform Program (CARP).

“Annongen ti gobyerno nga ipangpangruna dagiti mannalon, saan a gapu ta isuda ti mangbibiag kadatayo, no di ket di ta makatulong da ti itatakder ti ekonomiya manen,” kuna ni Presidente.

Ti IRR a pinirmaan ti Departamento ti Agrarian Reform (DAR) ken Land Bank imbinsabinsana ti maysa a tawen a pannakaisardeng ti panagbayad ti principal value ken ti annual interest due a bayadan dagiti ARBs.

Ti maysa tawen a pannakaisardeng ti panagbayad da a pakairamanan ti interes maikkan ti Kongresso ti panawen a mangbukel ti pannakapasa ti linteg a mapanuynoyan ti agdama nga ut-utang dagiti ARBs ken libre a pannakaiwaras dagiti dagdaga kadagiti sumaruno a benepisaryo,” kuna ni Estrella. 

Ti kangrunaan a paset na isu ti pannaka-iraman ti pinansyal a pagrebbengan nga agbayad ti dagup a presyo ti daga nairaman ti Presidential Decree No. 27, inayunan na ti 6 a porsiyento a tinawen nga interes a naipaay babaen ti Section 6 ti E.O. No. 228 ken ti pinansial a pagrebbengan a mangbayad ti principal a balor mairaman ti innem porsiyento (6%) a tinawen nga interes ti las-ud ti 30 a tawen a kas bayad ti ARBs babaen ti Sec 26 ti RA No. 6657, kas nasuktan.

“Ti LANDBANK suportaranna daytoy naisangsangyan a pakasaritaan nga aramid a mangrugin nga agtayab.  Mangted kami nga insigida ti tulong pinansyal kadagiti amin nga ARBs ti entero  a pagilian ken agbunga ti positibo a resulta tapno maisigurado ti pannakatalged ti taraon ditoy pagilian,” kuna ti president ti LANDBANK a ni Borromeo.

Ti LANDBANK isu ti tumakder nga ahente ti gobyerno nasyonal nga agkolekta ti bayad ti daga nga aggapu kadagiti ARBs kas linaon ti bilin nga agbalin a mangibabaet kadagiti ARBs kas ahente ti pinansyal a banbanag ti CARP. Amin a makolekta ket maited ti Bureau of the Treasury (BTr) kas kita ti gobyerno nasyonal.

Ti DAR-LANDBANK Joint Administrative Order sakupenna  ti pannakapili dagiti rumbeng nga ARBs a maikkan ti gundaway a maipasardeng ti binulan a panagbayad, argaman ti epekto na ti aramid a mangpasayaat ken umadu ti maaramid ken ganansya dagiti ARBs isu nga naisurat ken maitandudo daytoy.

Ti EO No. 4  bilinenna ti DAR ken LANDBANK nga agkuyog a mangited ti Opisina ti Presidente baben ti Executive Secretary, ti detalyado a listaan ti pananaka-aramid ti daytoy a bilin, a pakairamanan ti bilang ti ARBs ti pudno a nairaman ken ti napapaot nga epekto ti pannakaipasardeng ti panagbayad ti utang karaman interes.

Ti DAR-LANDBANK Joint Administrative Order ket maipatungpal a bilin kalpasan ti pannakaipablaak na ti Official Gazette wenno ti pagiwarnakan a sisasaknap a naiwaras.