Napasingkedan ti CA ni Estrella a kas DAR Secretary
Ni Sekretaryo ti DAR Condrado M. Estrella kasakbayab ti pannakatalged na ti Commission on Appointments(CA). (Screen grab from Senate of the Philippines)
Ti Commission on Appointments (CA) di Martes, Setyembre 27, 2022 pinasingkedanda ti ad interim a pannakadutok ni Condrado M. Estrella III a kas Sekretaryo ti Departamento ti Agrarian Reform (DAR).
Ni Senador Juan Miguel Zubiri, tsairperson ti Commission on Appointments, a nagidaulo ti maika-pito a plenary session ti CA ti umuna a regular a sesyon ti maika-sangapulo ket siyam a Kongresso.
Isapatak a saan nak nga agbalin a tugaw a pagsandagan. Iyasideg ko ti gobyerno kadagiti tattao,” kuna ni Estrella itay laeng bayat ti pannakangusigna ti CA a komiti ti agrarian reform.
Ti CA nakaawat ti panangiyebkas ken pannakairangarang ti suporta ket awan naawatda a panangbusor ti pannakadutok ni Estrella.
Ni Sekretaryo ti DAR Condrado M. Estrella kasakbayab ti pannakatalged na ti Commission on Appointments(CA). (Screen grab from Senate of the Philippines)
Da Senator Nancy Binay, Loren Legarda, Cynthia Villar, Jinggoy Estrada, Christopher “Bong” Go, Francis Tolentino ken Allan Peter Cayetano, diputado Ramon guico, Jr., Rodante Marcoleta, Johnny Pimentel, Jose Gay Padiernos, Albert Garcia, Greg Gasataya ken Manuel Jose Dalipe inyebkasda ti suportada ti pannakadutok ni Estrella.
Ni Estrella ket maysa a nagturpos ti AB History ken political science ken addaan Master’s degree ti Development Management.
Immuna a nagserbi a kas bokal ti Pangasinan idi agtawen ti sangapulo ket siyam ken nagbalin a mangidaulo ti Committee ti Agriculture ken Agrarian Reform idi 1980-1985.
Ni Estrella napili idiay Kongresso manipud 1987 agingga 2010, a nangibagi ti maika-innem a distrito ti Pangasinan. Idi maika-walo a Kongrresso, isu ti maysa a kaubbingan a napili a diputado ti tawen a 26. Bayat ti tiempo na, aktibo a kameng ti Committee ti Agrarian Reform.
Dagiti linteg a naisubmitir mairaman ti singasing tapno mapatibker ti kinaandur dagiti mannalon a maibusor ti pannagbalbaliw ti klima, mapasayaat ti sistema ti panagnegosyo kadagiti mannalon ken mangngalap ken mangbuangay ti programa ti panagisuro ti minunyongan ti elementarya ken sekondarya nga iskuwela ditoy Pilipinas.
Idi 2013, nagbalin a mangibagi ti party-list nga Abono, a sinaruno na ni kabsat na a Robert Raymund Estrella. Kas mangibagi ti Abono Party list, impasiguradona a dagiti kasapulan ti sector ti agrikultura ket saan a mabaybay-an.
