DAR sasadhan an Women’s Month Celebration pinaagi hin Agraryo Trade Fair

Produkto himo hin mga benepisyaryo hin reporma ha agraryo.

          Ha pagsara han Women’s Month Celebration usa nga Agraryo Trade Fair an pagbubuhaton ha libong han Department of Agrarian Reform (DAR) Regional Office 8 nga nahimumutang ha Sto. Niño Extension hinin Syudad han Tacloban.

          Ini an pagdudumaraun ha sakob hin duha ka-adlaw tinikangan Marso trenta tubtub Marso trenta y uno yana nga tuig.

          Sumala han Hepe han Program Beneficiaries Development Division, Melecia Ong, magkadurudilain nga mga produkto tikang ha uma, mga prinoseso nga pagkaun ug handicrafts himo han mga benepesyaryo han reporma ha agraryo ha bug-os nga Sinirangan Bisayas an ilalaray.

          Gin-aabi-abi an publiko nga pumasyada ha buhatan han DAR Regional Office ngan suportahan an mga benepiyaryo han reporma ha agrarayo yana nga maabot nga Huybis ngan Byernes. ###