DAR Region 1 Igayangnan ti Agtrabaho Para SPLIT

Ti Support to the Parcelization of Lands to Individual Titles (SPLIT) maysa kadagiti proyekto ti Departamento ti Agrarian Reform (DAR) nga irugin ti rehiyon 1 a napnoan gagar.  Tallo a rehiyon a pakairamanan ti rehiyon 1 ti napili a mangidaulo ti implementasyon ti SPLIT ti las-ud ti tallo a tawen.

Ita a tawen 2021, ti rehiyon 1 nabilinan ti 13,535 ektarya ti mataltalon a daga nga addaan Approved Survey Plans (ASP) a maidalan ti proyekto nga  SPLIT. Daytoy ket napag-iinumoan ti naaramid a Virtual SPLIT Meeting nga indauluan ni CARPO Nenita C. Madriaga kadagiti kamkameng ti Regional ken Provincial Project Management Offices (R/PMO) idi Enero 25, 2021.

 Dagiti met pakaseknan ti pannaka-anamongan ken pannakapaneknek (pproval and verification) dagiti surveys a kasapulan tapno mairehistro ken matituloan dagiti dagdaga a maited kadagiti agrarian reform beneficiaries (ARBs) ket mataming ti pannaka-aramid ti binulan manen a miting ti DAR-Department of Environment and Natural Resources (DENR) Inspection, Verification and Approval of Surveys (IVAS) nga nairugi idi Pebrero 9, 2021.  Layon daytoy a miting ti pannakarisot dagiti nadumaduma a problema kadagiti survery returns a maitited ti DENR.

 Ti DENR ken pakairamanan ti Land Registration Authority (LRA), Register of Deeds (ROD) ken ti National commission on Indigenous Peoples (NCIP) dakkel ti akkem da tapno naparpardas a maipataray ti DAR ti SPLIT.

 No man pay marigatan ti naitanda a panawen (timelines) ikalikaguman latta dagiti kamkameng ti RPMO ken PPMOs ti rehiyon 1 a maileppas ti naibilin nga aramiden para ti SPLIT a kas paset ti Comprehensive Agrarian Reform Program (CARP).

Ti Proyekto nga SPLIT ket paset ti pannakaitrabaho ti Comprehensive Agrarian Reform Program (CARP) tapno maikkan dagiti agrarian reform beneficiaries ti bukod da a titulo wenno Certificate of Land Ownership Award (CLOA) a pinundoan ti World Bank.