Manangdan ni Estrella ti adadu pay nga abogado tapno mapadaras ti pannakarisot dagiti kaskaso ti panagtalon

Ni Sekretaryo ti Department ti Agrarian Refrom bayat ti pannakiuman kadagiti abogado ti DAR. (DAR file photo).

Ti Departamento ti Agrarian Reform (DAR) manangdan ti abogado a mangnayon kadagiti abogado ti opisina tapno mapadaras ti pannakarisot dagiti kaskaso ti panagtalon.

 

Kuna ni Sekretaryo ti Agrarian Reform Condrado Estrella III a daytoy ket paset ti kari ni Presidente Ferdinand Marcos, Jr bayat ti umuna a State of the Nation Address (SONA) tapno maited kanyada ti hustisiya ti kagimongan ken mawayawayaan dagiti mannalon ti pannakabalud da ti daga.

 

“Ti agdama, ti DAR mapadpadasanda ti kinakurang ti abogado a mangkita dagiti amin a riri ti panagtalon nga agur-uray idiay DAR Adjudication Board (DARAB) ken Agrarian Law Implementation (ALI),” kuna ni Estrella.

 

Kinuna ni Sekretaryo a manipud 1988 agingga Hunyo 2022, ti DARAB naka-awat ti dagup a 640,087 a bilang ti kaso.  Kadagitoy, agdagup ti 638,445 ti narisot ket adda pay udi a 2,362 nga agur-uray ti pannakarisotda.

 

Ti sabali a bangir, manipud 1993 agingga Hunyo 2022, ti DAR nakaawat it dagup a 945,875 bilang ti kaso a naipila a kaskaso para ALI, narisot ti 943,584 a kaso ket adda pay udi a 2,291 nga agur-uray ti pannakarisotda.

 

“Narigat unay ti manangdan ti makabael ken nangato ti kalidad na nga abogado a makatulong ti DAR a mangrisot dagiti agur-uray a marisot a kaso.  Ti plano tayo ti trabaho isu ti pannakarakrak ken pannaka-aramid ti baro a posisyon. Ikkaten tayo dagiti bakante a posisyon tapno makaaramid tayo dagiti posisyon a nangatngato ti sweldo na para kadagiti abogado,” kuna ni Estrella.

Ni Sekretaryo Condrado Estrella III bayat ti pannaka-aramid ti saritaan tapno marisot ti riri ti agraryo. (DAR file photo)

 

 

 

Imbalikas ni Estrella a ti DAR aramiden na ti pudno nga akem ti programa, isu ti pannakaited ti hustisiya ti kagimongan ken mawayawayaan dagiti mannalon ti pannakabalud da ti daga kas inulit ti Presidente.

 

“Paregtaen ti DAR dagiti abogado a makiraman ti grupo a tumulong a mangkita kadagiti agur-uray ti pannakarisot na a kaskaso, mangaramid kadagiti wagas tapno mapapartak ti pamay-an ken mapasayaat ti legal case monitoring system,” kuna ni Estrella.

 

Kuna ni Estrella a ti DAR saan na man magun-od ti zero backlog ita a tiempo ngem ikari ti DAR a mangted ti nangato a porsiyento ti pannakarisot dagiti agur-uray a marisot a kaskaso.