Kinomendaran ti OP ti DAR a kas natulnog nga ahensya

Ni Sekretaryo Condrado Estrella III kaddua na ti Clientele Relations Service Director Jazon Collado bayat ti saritaan da kadagiti mannalon.

Maitunos iti plano ni Presidente Ferdinand Marcos, Jr tapno mabalbaliwan ti gobyerno a kas napaspas a panangiwanwan a natulnog kadagiti kasapulan ti publiko, ti Opisina ti Presidente (OP) iti nabiit pay kinomendaran na ti Departamento ti Agrarian Reform (DAR) iti naalibtak a panagtignay kadagiti reklamo ti umili a naawat para ti panagserbi ti gobyerno babaen ti 8888 Citizens’ Complaint Center.

 

Kuna ni Seketaryo ti Agrarian Reform Condrado Estrella III a ti DAR ti las-ud ti 2 a tawen ken walo a bulan mangrugi ti Enero agingga ti Disyembre 2020, 2021 ken Enero agingga ti Agosto 2022, ti 100 a porsiyento ti panagtignay da.

 

Nagyaman ni Estrella kadagiti opisyales ken empleyado ti DAR ti agtultuloy a suportada para ti Hotline 8888 a programa ti Opisina ti Presidente.

 

“Agyamanak unay ti OP ti panangkomendar na ti DAR. Kayat mi nga ipasiguro ti amin a mangnamnama kayo nga itultuloy ti ahensya ti mangtaming kadagiti pakaseknan ken isyu a maiyumtuod dagiti kliyente,” kuna ni Estrella.

 

Ti komendasyon ket naited ken Estrella babaen ti surat a naggapu ti 8888Citizens’ Complaint Center Director Bernadette Casinabe, a bigbigbigenda dagiti pamuspusan ti DAR tapno masigurado ket maaksiyonan iti naituding a panawen.

 

Impadamag ni Estrella a ti DAR manipud Enero agingga Disyembre 31, 2020 ket nakasungbat ti 311 a tiket; manipud Enero agingga Disyembre 31, 2021, nakasungbat ti 499 tikets, manipud Enero agingga ti Abril 2022 nasungbatan ti 172 tiket ken manipud Mayo agingga Agosto 2022 nasungbatan ti 334 a tiket babaen ti 8888 Citizens’ Complaint Center.

 

“Amin a 334 tiket ket naaksiyonan a maipada ti 100 a porsiyento a nagappuanan a kumpleto ti pannaka-aramid da ti naituding a panawen,” kinunana.

Ni sekretaryo Condrado Estrella III bayat ti pannakisarita na kadagiti mannalon.

 

 

Kas paset ti gobyerno nasyonal a 24/7 ti serbisyo ti publiko hotline 8888 Citizens’ Complaint Center ikagumaan nga asikasuen dagiti saludsud wenno reklamo nga aggapu kadagiti tattao para kadagiti ahensya ti gobyerno ken opisina.

 

Ni Director ti Clientele Relations Service Atty Jason E. Collado imbagana nga amin a tiket naamiris ken naiyuman ti maseknan nga opisina ti DAR, nga addaan kokreto ken masinuo nga aksyon ti las-ud ti 72 nga oras a kas naituding ti OP.

 

“Tapno masigurado ti 100 a porsiyento ti napartak nga aramid ti naituding nga oras, ti panangiwanwan dagiti aksyon ti maseknan nga opisina ti DAR ket inaramid ti CRS,” innayon ni Collado.